理想与现实！孙慧雪赏樱“炒车”照大公开

etin

每年3、4月正值樱花盛开嘅日子，好多人都会专程飞去日本睇樱花，尤其经历3年疫情就更令人“思乡”。新年宣布怀有第2胎、依家怀孕差不多5个月嘅艺人孙慧雪都一样，虽然个肚犹如8个月大，但佢都把握时间趁仲飞得飞咗转日本赏樱。雪雪日前喺社交网晒相兼留言，同粉丝分享佢赏樱之旅嘅感受：“临出发日本睇樱花前，我喺社交网搵定晒啲影樱花攻略，搵晒reference畀老公，佢话：‘得！无问题！’结果想像总是美好的！上图是想像，下图是真相。”

睇番啲相，一张系雪雪喺网上搵畀老公嘅参考图片，一位妈咪带住两个小朋友坐喺青葱嘅草地上，背后系一大片粉红色嘅樱花海，无论构图、意境同色彩都非常高质，至于另一张系出自佢先生嘅手笔，同样有草地有樱花，不过雪雪同囝囝身后就多咗几位嚟赏樱嘅市民，影出嚟嘅效果可谓差天共地，非常搞笑，粉丝就留言安慰雪雪：“正常㗎，我嗰啲都系咁”、“佢怕影得妳肥，所以只影头”、“都影得靓呀，朦胧美，唔系个个都识”、“老公眼中只有你两个，又晒幸福”。