艺人黄子恒近日于无綫剧集《隐形战队》演学者兼炸弹狂魔,经常游走软弱及暴戾人格之间,可谓演技大考验。而日前他就化身歌手,联同《黄金万両》演员薛家燕、麦美恩、江嘉敏、曹永廉等飞马来西亚登台搵真银,一众演员更以戏服上阵,令现场观众更是投入。 首次到云顶登台的子恒,坦言从落机一刻已获细心安排:“我哋唔系行去过关,系坐车过关,仲有执法部门护送,相信都系托家燕姐鸿福,先至有呢个待遇。今次个场地好大,真系未演出已经好期待,以前只系做过嘉宾,但今次感觉好完整参与一个演唱会制作咁,歌曲编排同埋内容都有一齐研究。”大抵久未出埠登台,加上气压问题,子恒于彩排时已感喉咙乾涸,未能尽情发挥,他说:“当时真系唔知点解,因为喺香港冇试过咁样,好在阿廉借咗支放松气管喷雾畀我,喷完系好咗啲,到咗正式时见到成个场咁多热情观众,真系咩都冇晒事,成晚气氛都好正,今次同阿廉合唱,希望下次可以继续用《黄》剧身份出去登台,再同其他人合唱,相信会有唔同火花!”
|