许志安唱《追》致敬 炎明熹向哥哥说心底话

etin

哥哥张国荣生前所属的环球唱片昨晚（1日）在湾仔会展举行《想张国荣20周年致敬音乐会》，逾十名歌手包括许志安、梁汉文、苏永康、两大《声梦传奇》冠军炎明熹及任暟晴、曾比特、AGA江海迦等献唱哥哥的名曲，并分享跟哥哥说的心底话，而组合XiX更跳唱《Miss You Much》，曾比特跳唱《无心睡眠》时全场反应佳。

献唱《想你》及《奔向未来日子》的梁汉文，说自小已听哥哥的歌：“我两次参加歌唱比赛都系唱佢嘅歌，我1990年入行，但佢1989年封咪，所以冇得合作，每次阿梅（梅艳芳）搞派对，我都谂会唔会见到佢，直到1996年我终于有机会，参与电影《金枝玉叶》第2集，我去客串，我开心到有眼泪水标出嚟。我朝早9点坐喺化妆间，好紧张谂见到哥哥要讲乜。之后我听到开门声，你估哥哥同我讲乜？佢唔系讲嘢，佢系唱‘缠绵游戏过后，谁人能舍得放手’，跟住佢拍我膊头，我好似食咗10粒方糖咁。我咁多年冇讲过呢件事，因为冇人请我参加哥哥嘅纪念音乐会，本来大会叫我唱另一首歌，我决定改歌，改唱我中四参加歌唱比赛时嘅得奖歌《奔向未来日子》。”

至于唱《最冷一天》及《毋须要太多》的苏永康，说选唱《最》曲是有私心：“过去20年无论我唔开心、有情绪或失意，呢首歌陪我驾车返屋企，将情绪放低再返屋企。1985年我第一次去红馆睇哥哥嘅演唱会，佢叫我入后台，佢着住浴袍摊咗喺到，掟咗个苹果畀我，问我好唔好睇，佢系一个好温暖嘅人。10年前我喺另一场合，唱咗另一首歌，我觉得唱得唔好，好唔开心，我知佢实话唔紧要，因为佢好鼓励同爱锡身边人，但知道佢系锺意完美，所以10几年后再唱《毋须要太多》。”

许志安是自2019年和黄心颖爆偷食事件后，相隔4年后首度在音乐会上演出，为不容有失，连日来他在家中不断操练。许志安出场时全场鼓掌，唱《追》后他说：“多谢你哋！多谢Leslie！”有歌迷更高呼：“安仔！”以示鼓励，而许志安更和梁汉文及苏永康合唱《左右手》。至于压轴出场献唱《拒绝再玩》、《有心人》及《小明星》的AGA，则说：“今日好开心可以分享几首我好喜哥哥嘅作品，记得哥哥讲过爱别人之馀，你要识欣赏自己，希望大家听歌之馀，亦会欣赏自己，你亦都系一颗小明星。”