毛舜筠麻雀论影后 激赞对手袁澧林演出惊为天人

etin

2018年凭电影《黄金花》勇夺金像奖影后的毛舜筠，事隔5年再次强势争奖，今次她凭英皇电影《阿妈有咗第二个》入围“第41届香港电影金像奖”，与苏玉华、袁澧林及今届金马奖影后张艾嘉齐齐角逐最佳女主角。于毛舜筠眼中，几位对手均是实力之人，即使资历最浅的袁澧林，演出亦惊为天人，坦言也有留意近年影坛新人辈出：“女仔特别精灵，袁澧林演戏好自然，余香凝百变，可以反叛又可以好乖，王丹妮真系好成功，谈善言都系，全部都好标青，所以唔使担心演员。”

​谈到今次于《阿》片表现，毛舜筠认为角色与当年的《黄》片有点相似，同样有儿子及老公出轨，惟两片风格上及感情处理绝对是两码子嘅的事，她说：“觉得今次较内敛，处理上更加难，但令到观众感动仲犀利啲，所以呢部戏更加值得攞奖，除咗呢几年阅历多咗，我觉得自己有几场戏突破咗以前嘅演技，好似同柳应廷嘅嗌交戏、喺厨房嘅独白、同两个仔嘅食饭戏，观众睇到都会有会心微笑。”坦言要带住两个新演员来演绝非易事：“要令佢哋成为我嘅对手，否则演唔到戏。（认同姜涛觉得自己力有不逮？）佢真系好坦白，佢系可以更加好，我觉得姜涛唔能够集中去做一个演员，佢好锺意唱歌，我都知佢喺唱歌方面发展得好好，相信佢专心去做嘅话，可以系一个非常出色嘅演员，今次系佢第一部担正，但我觉得翜好有潜质做一个演员，柳应廷最好彩就系同我演对手戏，大家事前有好多沟通就投入到。”

已有一个影后在手的她，被问到今次夺奖可有野心？毛舜筠即以麻雀论来比喻：“我觉得落得麻雀枱都唔想输钱，梗系想赢，但都唔系你可以预测同计划到，所以平常心，同埋上一次赢咗，今次心态轻松好多，但系我都相信袁澧林嘅演出，如果佢攞嘅话我相信我只手会拍得好大力。（新人奖吕爵安同柳应廷点样拣？）左手同右手都系仔，所以冇得拣，但今年好特别，几乎有入围嘅演员都同我合作过，所以如果要入围，成功嘅身一步的话，就一定要同我合作先。”