蔡思韵人生经历如新戏 细个父亲去世唔识喊

etin

陈心遥监制、曾宪宁首次执导的《灯火阑珊》于4月上映，并由蔡思韵（Cecilia）、张艾嘉、任达华及周汉宁合演，戏中“彩虹”Cecilia面对饰演其父“镳叔”任达华离世时，表现麻木，全无感觉，原来Cecilia本人的经历跟角色一样，在年幼时父亲已离世，跟“彩虹”一样哭不出。

Cecila说：“我细个嘅时候，爸爸过身我都系冇眼泪，我都疑惑，自己点解唔喊？唔锡爸爸？嗰阵我继续同其他小朋友一齐玩，表现得好开心，直到几个月后，发梦梦到爸爸，个情景系佢买生果返屋企，一个好平常嘅生活片段，但我醒咗之后，系咁喊。”她续说令她感到很不可思议的是，在面对巨大创伤时，人会有意想不到的表现：“你以为一定喊餐死，但其实可能会麻木、逃避、反应唔到、好惊唔知发生咩事，就好似我同‘彩虹’咁。”

首度和张艾嘉合作的Cecilia，说十分珍惜这次机会：“张姐虽然系一位前辈，但对待我哋新演员就好似对待一般专业演员嘅态度，我哋有意见，佢又唔会当我哋系细路，会一齐倾，完全感受到演员同演员之间嘅交流。”而Cecilia更化身成为小影迷，常向张艾嘉请教昔日制作时的细节：“我好锺意《心动》呢套戏，特别问佢片中嘅细节，想知佢同演员之间点样互动，例如问佢：‘你点导佢㗎？你教佢做还是佢自己谂到㗎？’佢俾我嘅答案，就好似知道一啲自己锺意嘅戏嘅幕后花絮，兴奋之馀，亦有种偷师嘅感觉。”