|
艺人陈自瑶(Yoyo)同老公王浩信经常传婚变,早前佢喺社交网点赞“单身了”留言,即时引起外界揣测佢默认离婚,之后仲避席活动“玩失踪”,直到佢(25日)终于首露面,于网上开直播带货,素颜上阵嘅佢肤质超好,仲以绿色小背心上阵大晒Fit爆身材,有网民就留言提起王浩信,问佢系咪已离婚等问题,佢都完全冇理会,不过佢呢次喺直播中疑曝光咗屋企嘅装饰品,佢身后有两幅作品,其中一幅系两只猫咪相拥,另外一幅则是印有“family(家庭)”字样,望落充满家嘅感觉。而王浩信都冇受婚变传闻影响,继续喺内地开工搵银,佢上载坐飞机嘅自拍,留言:“上海你好!”又晒答谢粉丝嘅应援咖啡添,不过都系继续冇提陈自瑶啰!
|
|