无綫小花刘颖镟(Tiffany)于热播剧《隐形战队》中拍住刘佩玥成功抢Fo,获封“新一代身材担当”。她直言来港发展7年,镜头背后付出不少,尤其对母亲的思念,疫情时曾怀疑自己有轻度抑鬱!Tiffany被一众网民赞“打得兼睇得”,《隐》剧收视更是近期“破顶作”,绝对饮得杯落。谈到获网民推举为“新一代身材担当”,她坦言:“真系好开心,我自己煲剧都紧张到唔想离开电视机。(身材担当)都有睇到大家嘅留言,最紧要系大家睇得开心,我想话畀大家知斋瘦唔代表靓,收身唔系几十个钟头唔食嘢就得。(唔惊被定型性感女神?)造型都配合合理嘅剧情,监制觉得我哋操肌咁辛苦,都要畀大家睇吓,不过我本身平日衣着保守。” 来港发展7年,Tiffany今年便能取得3粒星身份证,正式成为香港人。谈到当初只身来港发展,她坦言急速成长兼获益良多:“攞住父母畀嘅几千蚊美金旅费就出发,开始节衣缩食嘅生活,好彩寄住喺一位auntie屋企,悭咗好多,不过之后都开始谂事业发展问题,畀自己好大压力,我嘅目标系唔想再用屋企人钱,好彩约1年后我已搬走自立,依家直头有畀家用㗎!” 只身留港加上持续3年的疫情,Tiffany自爆思念家人,更一度怀疑自己陷入抑鬱边缘:“当时真系好唔开心,挂住屋企嘛,妈咪又叫咗爸爸飞返香港陪我,得番佢自己一个喺美国,搞到我好担心。其实到依家我都坚持早、晚都打畀妈咪,有时冇乜嘢讲、或者我拍剧拍到好攰都坚持咁做,我哋相隔咁远,呢样系我哋沟通嘅桥梁。”谈到戏中妈咪江美仪,Tiffany则仿如小影迷:“佢系视后级表现,真系好劲,喺现场都睇到我呆咗,同埋佢舍得用私人时间教我嘢。” 当被问到会否留港落地生根,Tiffany坦言:“未来充满变数,最紧要睇我嘅工作发展。(依家被形容上咗位喎。)多谢大家,最紧要系观众见到我嘅演技有进步,以及付出嘅努力。以前我会抗拒演某类角色,依家会觉得唔接受挑战就唔能够作出突破,所以想咩都试吓。”
|