艺人黄宗泽(Bosco)昨日(25日)接受电台节目访问,提到他于2008年踩过界做歌手,他坦言并非自己意愿:“系唔知点解做咗歌手,年轻时唔轮到我话事,乐小姐(乐易玲)话帮我出歌,个个小生花旦都出,你叫我乜就做。”他指当年要拍剧,根本无暇兼顾唱歌:“拍剧根本冇时间,得3日时间要学识又跳又唱,试过中环拍一首MV,排舞师即场教即学即拍。” ​Bosco多年前曾在颁奖礼中被抽中与陈奕迅(Eason)合唱《K歌之王》被网友嘲讽至今,他忆述当日情况说:“无端端对住Eason唱喎,压力大到黐线,只好顶硬上,又未练过首歌,嗰次离台mon又好远,根本靠估听唔到自己唱乜,我仲同Eason讲‘帮帮忙带吓,真系唔熟。’Eason就话‘得!放心啦!’你哋睇唔到我手心湿晒、压力大到出晒汗!”遭网络欺凌多年,但他完全没有介怀:“我唔系靠唱歌搵食,又冇学过,有瑕疵正常。从不觉得被欺凌,到依家有人讲仲记得,几开心呀!之后仲有人搵我二次创作录多一首《发梦之王》拍广告,佢哋事前问我介唔介意?点会介意!好玩添!真系唔需要唔开心,至今有件事畀人记得你。” 已到适婚年龄的他,被问到有否羡慕同期的好友林峯早已成家立室?他说:“又冇乜嘢,我有好多朋友又咁忙,过时过节都唔会寂寞,有好多人喺屋企开Party。”他坦言可能在单亲家庭长大有关,由细到大均没有成家的概念,母亲从没有催他早些成家立室,他更突然自爆说:“要做我女朋友?过咗我阿妈那关先讲啦!哈!佢不知赶走咗几多个……哎呀!我讲咗啲乜!哎呀!哈哈!”问到单身了多久,他说:“冇计过,其实中间我都有识女朋友,只系大家冇发现,但依家我唔敢主动,好怕识新朋友,因为出过事。之前有朋友带啲新朋友嚟食饭,我只系同枱食饭礼貌上同对方倾几句,点知佢将我讲嘅嘢分享上网,咁就变成花边新闻,之后就怕怕,识新朋友会好小心。我对识女仔仍然好open,但要认识吓先!”
谈到择偶条件,他认真表示:“首先佢要唔介意我做呢行,因必一定会成为焦点畀人影,其次,我唔锺意太嗲或者小鸟依人,我喜欢识得照顾自己嘅女仔,仲有我锺意整齐,例如我屋企洗手间嘅护肤品,我会摆到好似铺头陈列品一样,我好介意人哋乱动我嘅嘢,一畀人搞乱,我就会发忟憎,其实我返到屋企,系好静好少讲嘢,睇吓边个唔好彩识到我。”​
|