传刘恺威李晓峰因小糯米闹交 刘丹直呼好笑：见都未见过！

etin

刘丹（丹爷）昨日（22日）出席《爱·回家之开心速递》宣传活动，昨日是冬至，丹爷透露要拍外景至晚上7时才能回家食冬至饭：“我同家人讲咗，大人等到就等，小朋友肚饿就食咗先，留碗汤丸畀我就得，因为要团团圆圆、甜甜蜜蜜。”至于儿子刘恺威不在港，要待农历新年前才返港。提到圣诞节，问丹爷有否买礼物给孙女小糯米？他说：“佢冇要求，佢要求嫲嫲买嘢畀佢，我太太买咗好多嘢畀佢，我圣诞就日日都要开工，都系交畀嫲嫲凑，嫲嫲身上又有（信用）卡。”

另外，声梦歌手炎明熹（Gigi）最近客串《爱》剧，丹爷表示跟对方首次见面及合作，对对方赞不绝口：“我对呢个小朋友，我好欣赏佢，人靓、唱歌好，又识做戏，其中一个场口要佢自由发挥畀反应，佢做咗啲大家都意想不到嘅反应，我做咗咁多年，都识睇人，佢前途无可限量，佢一出道就好多人赞，其他人会飘飘然，但佢冇，佢好谦虚，反映佢屋企教育得好。我对佢真系一见就惊为天人，好想同佢再合作，我同佢讲，叫佢同公司要求得闲就过嚟玩几集。”

此外，最近有传刘恺威跟女友李晓峰因小糯米而闹交？他对传闻直呼好笑：“点会，因为小糯米见都未见过佢（李晓峰）。（传恺威同前妻杨幂有协议，边个先再婚，女儿就归另一方，所以恺威唔想再婚，令女友不满？）冇咁嘅协议。（唔会畀人抢走孙女？）冇可能有咁嘅协议，其他就唔方便讲，我唔讲大话，我全家都系信佛，信佛第一唔可以伤天害理，第二讲大话都唔得系犯罪，同埋唔可以嬲人。”他称对传闻一笑置之。