撞正情人节出歌！两代“情歌王子”林峯Ian对撼

etin

今日2月14日情人节，圈中就有两位男歌手撞正同一日出情歌，而两位更系两代“情歌王子”，绝对有得争！当中去年回归乐坛却出师不利嘅林峯，以代表作《幼稚完》续集《幼稚未完》应战，再次搵嚟“必胜组合”邓智伟合作，再喺出歌前夕出动冧妻攻势，大晒同老婆囡囡嘅温馨日常，为新歌造势。而同林峯对撼嘅，就有组合MIRROR人气王陈卓贤（Ian），前年情人节佢凭一首情歌《正式开始》冧倒万千少女，今次再出情歌《留一天与你喘息》，歌名够晒直白，而佢为咗宣传新歌，更大玩自拍3连式，摆出搞怪可爱样，令一班女粉丝睇到心心眼。