王祖蓝再卷是非 被爆不满C君担任J2台创意总监

etin

王祖蓝近期可谓相当“惹火”，去年1月获公布出任无綫首创意官的他，早前被爆与曾励玲、乐易玲闹不和后，邓兆尊日前于网上节目中“爆料”，指王祖蓝对于无綫找C君（郑诗君）担任J2台创意总监感不满，对方做嘢唔得，节目主持反应极之错愕，并追问从何得知？邓兆尊即再补充：“我返TVB嘅时候，啲幕后同我讲嘅。”至于祖蓝与曾励珍、乐易玲闹不和，邓兆尊则力撑曾励珍，大赞对方虽然恶，但是一位心地非常好的人，如有些艺员屋企有问题，她就会着对方加入处境剧剧组，等有机会搵钱，纾解困难。邓兆尊亦指出，其实无綫高层各有职务，大家的大方向都只是想TVB好。

对于传闻，联络上C君，他表示：“睇到呢个传闻啦，我都知好多人锺意听古仔同八卦嘅，但话系幕后人讲，咁边个人讲呢？我觉得个故事嘅逻辑性有啲得意啰。王祖蓝系大台嘅高层，我只系一个J2台一个细台嘅小小嘅睇节目嘅人啫，何得何能令人不满呢？（会唔会令你同祖蓝有心病？）点会？我哋仲互传Message，大家一齐攞嚟笑吓，其实我回唔回应都冇所谓啦，都唔系事实。（你同祖蓝友好吗？）冇任何不和，否则唔会互传Message，总之一笑置之啦。”

另外，无綫高层乐易玲在将军澳电视城出席邵氏剧集《飞虎3壮志英雄》记招，讲到最近传与王祖蓝，因锺嘉欣失视后而闹不和，她则否认说：“几十岁人边有交嗌，都冇咁嘅事，祖蓝都回应晒，佢都话唔系事实嘅嘢就唔使讲啦。做咗呢行几多年呀?成日都有呢啲㗎啦，都唔新鲜。（边个攞视后有冇分歧？）咁多年都有投票机制，呢啲唔好喺度讲，出年再讲啦，有新闻喺好大家注意呢个奖项，冇新闻边有娱乐呢。”她强调大家没有因此事不开心。

讲到“虫草大王”陈恩德因与李佳芯传绯闻，被要求出席活动时禁止拍摄合照，他感受辱抽起TVB千万广告，乐小姐表示：“我唔知佢落咗几多钱广告，要问番广告部。”她又重申当日活动并非公司的工作，艺人有权利不出席，经理人立场会照顾艺人意愿，公司亦觉得首要是保护艺人，老板更加没有给予压力，她语带相关笑说：“佢（陈恩德）追紧女仔呀?”