翁虹变身国民美女 跟14岁囡囡斗靓

etin

前“亚姐”冠军翁虹趁新年影全家福，不过佢哋呢辑相，唔系普普通通着晒啲红色衫，拎吓挥春，行埋去桃花度，影出啲新年气氛就算，而系着晒民国衫，坐喺张酸技椅度影咗辑怀旧风相。

嗰个翁虹状态奇佳，面上零皱纹，着咗粉绿旗袍时，身材玲珑浮凸，举止又优雅，十足30岁出头；而个样似陈妍希嘅囡囡Crystal，虽然只得14岁，但深得靓妈嘅遗传，换上粉红旗袍时，身材都几流线，加上扎咗两条鬓辫，好甜、好少女，一家三口都系靓人一族。

翁虹接受访问时，佢话：“一直都好想影辑精致嘅上海风情相，我哋为咗呢辑相，用咗成个月时间筹备，仲食咗成个礼拜健康餐。”佢又话嗰日佢哋一家三口影相前去打疫苗，佢同囡囡过程好顺利，但系佢老公打完针就瘟瘟沌沌，因为状态唔系咁好，对摄影师好挑剔，结果就由朝影到晚，好似拍戏开工，不过影得耐都唔紧要，因为啲朋友赞佢哋相影得好靓。