隔离上演时装骚晒胸露腿 高海宁激瘦惊变皮包骨

etin

无綫咪神高海宁（高Ling）最近再次展开隔离生活，期间更不慎被手机撼到嘴唇爆缸，幸好冇破相。而多次呻闷嘅佢，隔离时亦化身名模，大玩Fashion show，疯狂试衫！佢频频喺社交网晒出试衫相，见佢先换上女士们必备嘅Little Black Dress（小黑裙），开高钗大骚长腿，之后转玩Casual look，以白色小背心配牛仔长裙，贴身剪裁令“咪咪”若隐若现，相当诱惑！最后佢再换上西装外套，以中性造型示人，形象百变！​不过网民错重点，指佢其中一张着上小背心嘅相片中，见佢双手瘦如柴，十足皮包骨一样，担心佢隔离冇啖好食瘦足一个码，纷纷留言叫佢食多啲嘢。