郑俊弘爆何雁诗做暴食孕妇 六月完剧准备陪生

etin

艺人郑俊弘与蒋祖曼等在将军澳电视城为剧集《轻．功》试造型及拜神，郑俊弘与太太何雁诗最近宣布有喜，首次做爸爸的他指看见太太的肚子愈来愈大，心情又紧张又兴奋又开心，但因疫情太太亦少出街，留在家中上网学习音乐课程，他说：“BB动作亦愈来愈多，同佢倾吓偈、唱吓歌畀佢听，佢听到莫扎特嘅歌曲反应最大，直情好似喺度打觔斗，听到我哋嘅歌就冇乜反应，太太不停唱《投降吧》畀佢听，希望系佢识唱嘅第一首歌。”

郑俊弘指太太预产期六月，刚拍完剧集可以陪太太生BB，问到太太佗BB后性情可有转变？他说：“又冇乜，系攰啲夜晚都要同佢按摩背脊，同埋以前唔食甜嘢，依家成日叫我买蛋糕、甜品畀佢食，临瞓前会肚饿，张床附近好似变咗士多咁，好多零食，同埋好想食薯条快餐，都要控制住佢。”

蒋祖曼在剧中则与郑俊弘有感情线，加上首次拍摄轻松小品剧集及与视帝黎耀祥合作，心情也有点紧张，她说：“剧里面好多好戏之人，仲要有好多揸车戏，自己手车其实都几危险，所以都有啲紧张。剧本一路睇自己都一路笑，希望能够做到，对自己都系一次突破所以都有啲压力。”