蒋家旻想搬去屋企附近 多啲私人空间又近妈咪

etin

艺人蒋家旻一直与家人同住，虽然早年曾试过搬走独居，但最终认为屋企才是真正的安全岛，除了获妈咪不时嘘寒问暖，出名大头虾的她，笑言最大好处是当忘记带东西出街，便可托家人当人肉速递送到面前。家旻接受访问时表示：“之前试过唔记得带锁匙，叫屋企人即刻搭车拎畀我，原来同住有呢个好处，哈哈！不过另方面就系冇咗私人空间（几年后想再搬出去？）我想，之前因为业主加好多租，所以冇续租，希望之后人工可以加少少，依家市道差都挨得辛苦，其实大个咗想要私人空间，想静一静，因为返屋企总会有人讲嘢，但有时开完工真系想沉殿吓！所以或者搬去屋企附近，咁就双赢，有私人空间又有得黐屋企。”