卫诗雅化身工厂女工整蜡烛 最后搞到“工伤”！

etin

艺人卫诗雅（Michelle）拥有专业钻石鉴定证书、导游牌、车牌、救生员拯溺章、船主牌、大偈牌、潜水牌、初级中医证书、宠物传心术、戏剧表演班证书，堪称“娱乐牌王”。最近她又一成就解锁考获“Korea Natural Design Association（KNDA）蜡烛导师”，更小试牛刀自制蜡烛进军新年“大乾爹市集”。

发生虾碌事

原来她摆档跟“富贵KOL”雪姨有关：“因为有一次同雪姨做嘢，佢见到我啲蜡烛觉得好靓，全部手造，佢就叫我不如试吓去佢到摆市集玩吓，于是我就尝试吓。”首次摆市集，她坦言虽然紧张，但未有遇到大难题，反而发生不少虾碌事：“好多甩漏，例如我唔记得买袋，人哋买走嘅时候冇袋畀人、唔记得买枱布，最后用咗自己屋企块窗帘等。”她自制蜡烛并非“玩玩吓”，认真到可考牌：“我不嬲都好锺意啲手作嘢，有一次见到呢啲手造蜡烛好靓，就去咗学，顺便考埋个导师牌，睇吓到时有冇机会教吓人咁啦，但应该唔会，因为我觉得我教人有啲难。”

​

摆市集期间，她表示客人非常热情，最难忘是原来每位客人都有看她的频道：“呢啲我都好难忘、好开心，佢哋讲到晒我每条片嘅Details。”除此之外，为了今次市集，她化身工厂女工，日日亲手整蜡烛，最后搞到“工伤”：“因为我每一杯都系自己整，整到手好攰、好痛，有一日起身嘅时候只手屈唔埋，我就好惊！呢个真系好难忘，因为惊只手有咩事，不过隔咗两日就好番。”