张景淳传被踢出《爱．回家》 吕慧仪：愈传愈夸张

etin

《爱．回家之开心速递》一班演员刘丹、滕丽名、吕慧仪和苏韵姿为贺年节目作录影。吕慧仪剧中的老公张景淳早前有传因经常迟到而被高层训话兼被踢出该剧，吕慧仪被问到此事时拉开话题：“新年新气象乜都会好，疫情都会好转。（系咪如传闻咁讲？）因为一个人讲，所以愈传愈夸张，其实冇乜事，大家都好勤力做好本分，最勤力就系爸爸刘丹。”刘丹也帮口说：“有冇听过一个笑话，有人话山上有个窿，传下传下变咗山上有条龙。”吕慧仪续指大家会愈做愈好：“爸爸（刘丹）教得好好，熊家无论里里外外都好听话，连女婿都教到好听话。”

讲到新年，他们表示除夕仍要为《爱》剧开工，他们当天应该会在厂内一齐吃团年饭，刘丹笑言：“食物由女士负责，我只系负责食。（仔仔刘恺威今年会唔会返香港过年？）佢已经喺香港，难得一年喺香港过年应该会留耐少少，佢为咗返嚟过年都推咗唔少工作。”至于早前生日的滕丽名透露今年食了劲多蛋糕：“食咗16个左右，所以许咗好多愿望，最紧要系疫情早日过去。今年收到咁多蛋糕系有原因，因为我以往生日都唔系香港，所以系积落。”刘丹笑言想不到生日蛋糕也可以储。