李嘉欣上周大战死神48小时 状态大勇出关饭局

etin

“大美人”李嘉欣上周六（15日）突然于社交网自爆入ICU，与死神搏斗48小时后终于冇事！自喻“呢个世界差少少就冇咗李嘉欣”嘅佢，估唔到一个星期后已经冇晒事，上个Post仲瞓喺病床插满喉嘅佢，寻晚（18日）就晒出一张同好友庆生嘅靓相。相中佢化上淡妆，气息唔错，仲笑容满面咁对镜头甜笑，状态大勇，完全睇唔出佢一周前曾经对战死神，睇嚟佢休养得宜，话咁快就可以出关同朋友见面，加上家姐李嘉明傍实，大家都唔使惊佢有咩事喇。