陈展鹏晒“蛋糕的爱” 唐诗咏爆翠如唔介绍男仔原因

etin

无綫剧集《铁拳英雄》演员陈展鹏、唐诗咏、陈山聪、姚子羚、伍允龙等昨日（18日）在将军澳电视城宣传新剧，剧集首播7天跨平台总收视录得24.8点，是自2021年1月以来二线剧首播排第2位。席间陈展鹏与陈山聪以双腿挟住气球玩“爆波”游戏，被唐诗咏以高踭鞋踩爆气球，相当惊险，众人起哄笑说：“佢哋仲要生㗎！”

陈展鹏刚度过45岁生日，他指生日过得相当甜蜜，除了有女儿唱歌祝贺，更有太太单文柔送上箭猪蛋糕，他笑说：“个蛋糕寓意系万箭穿心，其实系叫我预到咩都唔使惊，有佢保护我，谂住摆到佢发住咁过年。太太由未拍拖已经开始亲手整蛋糕畀我，呢个仲整咗10个钟，可能佢都知道我养妻活儿辛苦。”

正在休息的唐诗咏被问到可有约会？她笑说：“本来谂住趁放假夜晚可以出去食吓饭，但系依家冇啦，唯有留喺屋企自己陶醉吓，迟啲谂住同黄翠如去学吓插花。（翠如冇介绍啲男仔畀你识？）佢依家唔敢，因为之前失败过，佢都系选择陪我就算，随缘啦。”她又笑言正在等待“金牌媒人”林盛斌开婚介公司。