陈嘉宝宣布封肚 第三胎系女：已经完成一个壮举

etin

艺人陈嘉宝（Anjaylia）第三胎终于出咗世喇！为老公黄颂祈三年抱三的她，事前不肯透露第三胎性别，昨日（16日）她与老公在社交网报喜，原来是BB女！之前已经育有两女的陈嘉宝，计埋细女，屋企有3条Queen。

B女“逾期居留”

Anjaylia月初顺利生产再添一女，预产期本于去年年尾，结果BB“逾期居留”至月初才出世，BB出生时重7.2磅，并已取名为Azaliah。Anjaylia感动地说：“医生将BB摆喺我心口畀我抱咗好耐，之前两个女都冇畀我抱咁耐。啱啱上一刻明明喺个肚入面，突然之间就出咗嚟摆喺心口上面，感觉好神奇。”

至于英文名字Azaliah的由来，是来自圣经，Anjaylia说：“英文名‘Azaliah’系喺圣经入面搵嘅，我知道实会畀人话我哋帮囡囡改嘅名都好难读，哈哈！其实呢个系一个传统，因为先生近五代都系基督徒，呢几代都系会喺圣经里面搵英文名，我哋都要跟番传统，头两个女嘅名Hosanna同Eliana都系有意思嘅，Hosanna嘅意思系asking for God、Eliana嘅意思系God had answered，我想将呢个故事延续落去，Azaliah嘅意思系God has reserved（神已留下的），都有一系列有意思嘅，Azaliah同我个名读音都好似，就当系送畀自己嘅礼物。而中文名就留番畀爷爷同嫲嫲改，中文名都系想向长辈致敬。”

“生仔生女都冇所谓”

而两位姊姊第一眼看到妹妹Azaliah，各有不同反应，Anjaylia表示大女完全冇呷醋而二女就成日想摸佢，不过有少少呷醋。三年抱三的Anjaylia也宣布封肚！坐月期间会看回有份拍摄ViuTV的剧集《IT狗》：“睇剧轻松吓！依家好好调理好身体就有动力做自己想做嘅事。对于BB嘅期望，最紧要系佢哋都健健康康、开心平安，我同先生意向一致，生仔生女都冇所谓，我已经完成一个壮举，我同先生最大嘅目标系希望有三个小朋友、年纪近啲嘅，可以一齐成长系好开心嘅事，大女同二女一齐玩，大女会识得保护妹妹，二女学嘢都会学得好快，呢个策略成功！哈哈！”

正所谓三个女人一个墟，估不到Epaphras最享受，Anjaylia说：“又多一个女围住，佢好唔得闲喇，谂番起老公一知道系女嘅时候，就开咗支靓酒，仲请朋友食饭庆祝，依家生完三个，理想达到嘞！”而Anjaylia与老公也保留传统，会订制一张被子给女儿作礼物！​此外，早前Anjaylia的一班好友为她举行gender reveal party，她笑说：“好开心！因为我超级懒，baby shower都唔想搞，点知一班朋友就帮我安排好呢个party，畀机会我笃波波（揭露BB性别的仪式），过一过瘾，真系好sweet。”