失惊无神玩突袭︱黄子恒鬼咁恐怖 吓窒黄智雯

etin

艺人陈展鹏、黄智雯日前于西贡为无綫新剧《隐门》拍摄，二人剧中关系微妙，智雯更以“解药”来形容展鹏，可见地位相当重要，智雯指剧中的角色受尽生活逼迫，每逢遇到问题，都会找他倾诉。问到拍摄期间情绪长期处于紧绷状态，会否对她的正常生活有影响时，智雯坦言：“都有啲，所以有时拍完返到屋企，我都唔会即刻瞓觉，坐最少半个钟先去冲凉，等自己沉淀吓先！”

而当日化了一个“鬼装”的黄子恒戴上有色隐形眼镜及化了白面妆，原来今次他的角色相当特别，专出来吓智雯，搞到她精神错乱，更有情绪病，智雯谓：“戏入面我成日突然间见到佢，一阵喺侧边弹出嚟，一阵又喺天花板。（你本身怕唔怕鬼？）我本身冇乜特别灵异经历，以前做空姐时都听过好多故事，不过我都算大胆，出Trip唔怕自己一间房。”而子恒曾于《降魔的2.0》及《乘胜狙击》分别跟智雯及展鹏合作，笑言今次是久别重逢，问他戴住有色隐形眼镜拍摄会否感到不适时，他说：“唔紧要，公司好好，搵咗啲质素最好嘅Con畀我， 监制想个感觉惊吓啲，每次出场都好似惊栗片咁。”

拍摄期间，正享受家庭乐的徐荣与囡囡“包包”路过，更跟展鹏、智雯打招呼，展鹏谓：“见到一家人咁样真系好开心，自己成日要开工唔得闲，所以一有时间都会陪住个女，依家心态唔同咗，唔只系挂住搵钱，有生活质素同品味，之前见到偶像郭富城做跨年骚带埋老婆、囡囡一齐到场，成件事升华咗。就好似我哋做演员咁，唔系一味拍啲跳楼、掟人落街就系最好睇，剧情都要有啲讯息、养份，有时小品形式嘅剧集仲有质素、仲正。”