朱晨丽庄思明孖住行山打Golf 操弗身体抗疫

etin

艺人庄思明与朱晨丽（朱朱）同是港姐出生，虽然不是同届，但思明与这位师妹经过多次合作及共同友人的聚会后变得投契，二人早前更齐齐打高尔夫球。思明近日不时做运动，又去行山、与狗狗跑步，生活相当健康及充满正能量。她受访时谓：“我都好耐冇打，读书时打过，近排想个人健康啲，所以做多啲运动，行山接触吓大自然，就算疫情点都好，自己免疫力都会强啲。”

讲到家姐庄锶敏（前名庄思敏）改名，问她会否改埋时，思明说：“系呀！不过我冇呢个打算，因为我觉得人嘅心态紧要过一切，睇你点样面对你自己嘅人生，每个人嘅观点、谂法都唔同，希望佢改咗名之后会得到佢想要嘅嘢，最紧要身体健康、开开心心。”

谈到现时政府因疫情收紧政策，经营多间炖汤店的她坦言：“生意OK啦！但一定冇以前咁好，疫情2年都大受打击，好多人经济、工作都受影响，唔想使咁多钱，好在我哋都系平价嘢，唔会影响好大，都挨得住嘅！”而她昨日（12日）亦有去行山的朱晨丽说：“锻炼吓啰，嚟紧都要做多啲运动，我都有做瑜伽、行山、打Golf，依家又唔出得街，惟有搵啲运动做吓。”