庄思敏宣布改名庄锶敏 加“金”转运

etin

艺人庄锶敏（前名庄思敏）喺社交网度用大声公话“有事宣布”，不过喺2020年结婚嘅佢唔系报喜话有“牛B”，而系向全世界公布佢已经改名。佢喺社交网条片度话，最近有人发觉佢几个社交平台个名唔同咗，初时啲朋友好惊咁打畀佢，以为佢个平台畀被黑客入侵咗，但其实只系场“美丽嘅误会”，佢将个名原本个“思”字变成“锶”嘅原因系：“我希望呢个新名，会为我带嚟一啲转变同突破，记得以后写嘢畀我，用加咗‘金’字部首嘅‘锶’字。”

透过电话访问，问庄锶敏加“金”字首部，系咪想搵多啲钱呢？佢就笑住话：“唔系，唔系，呢个‘锶’系想储到钱同埋事业、健康好啲，婚姻都好啲啰。”不过佢个新名只系写法唔同，但读音系一样，相信啲粉丝一定唔会觉得难记嘅。