狂谷处男剧收视 冼靖峰张驰豪自爆肥仔黑历史

etin

“声梦帮”兄弟冼靖峰（Archie）及张驰豪（Aska）为谷处男剧收视，不惜各自自揭“肥底”黑历史，冼靖峰爆中三胀至接近200磅，餐餐鸡髀、捞面；张驰豪则小六时惨遭“欺凌”，更自悲到要改名望转运。

无綫青春新剧《青春本我》讨论度高企，Archie于剧中角色非常贪靓，笑言被导演逼讲“核突嘢”︰“有句台词系‘我希望永远都系咁完美’，话系专登设计畀我，一只字都唔可以改。（你现实中都贪靓。）唔系！咁唔靓先要贪呀嘛！哈哈！”

讲到首集就被公开细个肥仔相，他笑话有好多人问是否整过容，但他坚决否认︰“影呢张相嗰阵，应该系5、6岁，每日开心瞓饱就食、食饱就瞓。”直至去到中三，体重直逼200磅终于识醒，立心减肥︰“嗰阵同自己讲190几、未到200磅都唔系好肥啫，每个小息食鸡髀、捞面，但之后同学笑肥，然后玩捉迷藏永远都系我第一个输！捉人又唔够人跑，加上爸爸惊我身体有事，就叫我去验血。”

岂料身形高、瘦，完全跟“肥”字扯不上关系的Aska竟说有同感，他自爆小六前是肥仔一名，亦曾被恰、被笑，就连英文名都“出卖”他︰“我原本个名其实系‘Oscar’，小五嗰阵时，同班有3个肥嘟嘟嘅同学，名系一样，成个组合咁！所以就好唔锺意个名，觉得‘O’字好圆、好胀，然后因为好锺意杨宗纬（台湾歌手），就跟咗佢改名做‘Aska’。”

​

Aska和Archie同是演戏新丁，不约而同说希望有机会接拍警匪片，Archie说想饰演黑社会头目，更谓特别想同姜皓文合作，眼见对方于《青》剧演炎明熹爸爸，大叫羡慕︰“擦身而过呀！我好想同佢合作，然后偷师！真系特别锺意睇佢做戏，觉得有佢喺度嘅场口好睇好多。”至于Aska就话好想尝试做特警、卧底角色，最想合作的对象，是早年在剧集《神枪狙击》中演绎单手攀石，另一只手倾电话这经典一幕的谢天华。