加盟马浚伟公司旗下？刘心悠：嚟紧有新Project！

etin

艺人马浚伟与刘心悠多年前因合作无綫剧集《宫心计2深宫计》而结缘，之后二人一直保持联络，不时相约吃饭，甚啱“嘴形”，上年马浚伟制作自家制节目《缘来自咖啡》时，都有找心悠做嘉宾，而现时身为香港电台创作总监的他，亦有找心悠做游戏节目嘉宾，而心悠都“有求必应”力撑好友，现时“自由身”的她，更指将会加盟马浚伟公司旗下，日前二人更被拍得于户外餐厅“密密斟”，期间心悠细心聆听马浚伟讲解，二人似乎密谋大计。

赞刘心悠好挨得

而马浚伟接受访问时，说是有跟心悠见面倾合作事宜，大家拍《深宫计》时已相当投缘，他说：“我好欣赏心悠呢个演员，佢好挨得、好专业、又有修养，不时都自求进步，自己内里嘅宇宙好大，我觉得佢系一个好另类嘅女艺人，所以我好欣赏佢嘅！（咁佢系咪会加盟你公司？）我哋系倾紧一啲嘢嘅，但系啲乜，真系唔方便讲住，我一直都有搵心悠嘅，之前都有人问我系咪我公司会签埋佢，系咪我同心悠两间公司有合作？稍后啦！我谂稍后先同大家讲啦！不过我哋喺性格同工作理念都好相似，我只可以话我哋喺未来系会有好多合作。”

​

至于心悠亦有接受访问，说到有指她会跟马浚伟公司合作，甚至加盟旗下，心悠说：“佢嚟紧有一个新Project，确实系有搵我倾嘅，佢不嬲畀我嘅感觉都系一个好正面同正能量嘅人，依家个Project都系倾紧、筹备阶段，大家仲要再详谈，因为实在有多嘢未落实，真系唔可以讲住，可以讲时会话畀大家知。”