新片勾起童年回忆 李璧琦忆父母吵架离家爆喊

etin

演员李璧琦（Becky）在新片《等一个拥抱》中与龚柯允（Karen）饰演两姊妹，两人童年时被戏中父亲陈友抛弃，不少戏份都相当椎心，其中一场Karen与陈友吵架吵得面红耳赤，令在门外的Becky非常难过，勾起她埋藏多时的童年单亲家庭不愉快回忆，看回放忍不住触动落泪。

Becky透露当日拍摄家人大吵大闹的情景更曾经发生在她童年身上，她说：“童年时父亲离开咗屋企，相隔好多年后父母因为要讨论一啲事而再见面，当时我已经长大成人，当晚准备踏入家门，听到父母闹交闹得好大声，呢个画面、声音同戏入面情节好相似，当时嘅我就离开咗屋企同不由自主咁喊。直到近年有机会去谘询专业人士，原来我好细个时嘅恐惧一直无处理到，所以一听到差唔多嘅声音、加上同样企门外面潜意识有好多感觉冲出嚟，系控制唔到，所以呢个场口对我嚟讲好真实。”

戏外Becky、Karen与陈友拍摄得非常开心，一有空档时就一齐讨论音乐，Karen说：“有时拍摄空档友哥会畀音乐片我哋睇、一齐倾下，或者友哥讲起某只歌就会起beat，我哋一齐唱，间中仲会一齐jam歌，大家多咗默契。”​