艺人黎诺懿向来热心公益,昨日他为4岁生日的儿子“小春鸡”举行庆祝派对,都不忘在生日会前抽空,与拍档康华支持“有艇搭”,到粉岭做义工向老友记派发食米粮油,为慈善不遗馀力。虽然他们均戴上口罩,但不少公公婆婆都认出他们,热情地上前合照,又大赞他们真人靓过上镜,更紧握他们双手道谢,场面温馨。而素有做义工经验的黎诺懿,不但弯腰兼双手递上物资,更“卖口乖”与长者们有讲有笑,打成一片。
至于康华则透露原来为新版剧集《十月初五的月光》开工至凌晨2、3点,但都坚持做义工:“咁啱知道今日唔使开工,我就好想嚟支持一下。本身谂住今朝咁早就开始派米,都担心会唔舒服,点知见到现场嘅公公婆婆咁热情、踊跃之后,我反而好精神完全唔觉攰,做多啲善事,人真系会开心啲。不过今日都几晒几热,我见佢哋咁早嚟排队都担心佢哋辛苦,所以即刻攞啲水畀佢哋,同派得快手啲,等佢哋唔使等咁耐。” 她续指以往都曾到社区会堂唱歌给老友记听,但如此近距离做义工则是第一次:“个感觉好唔同,当佢哋捉住你只手,真系感受到佢哋嗰种满足、喜悦,经过今次之后,我好想嚟紧都可以参与多啲义工活动,所以都即刻同主办单位讲,又搵番啲做社工嘅朋友,叫佢哋下次有活动一定要预埋我。”
|