前港姐冠军陈庭欣(Toby)同有米男友杨振源(Benny)拍拖以来恩爱非常,不过之前传过Benny桃花旺盛,搞到Toby嬲爆!唔知系咪为咗凼番女友,有传Benny泵水,以月租10万元,为Toby租下实用面积超过3,000呎嘅九肚山沄沣单号洋房,该单位更设有大花园同天台,啱晒锺意养小动物嘅Toby。
有指Toby于农历新年后已迁入新居,但Toby都好小心,冇喺社交网露出任何端倪,更有传Benny都想畀个名分Toby,计划于今年结婚,如果系真系就恭喜晒! 而Toby接受访问时,被问及是否今年结婚?她表示:“大家send畀我嘅‘恭喜’可以回收啦,因为冇咁嘅事,谢谢!其实都被传咗好多次啦,天窗就未拉埋,不过今日屋企啲门窗就拉埋晒,因为落雨。大家有心啦,谢谢!(进驻九肚山豪宅?)住址呢啲咁私人嘅事,希望畀啲私隐我啦,谢谢!(男友想凼番你所以租豪宅畀你住?)呢个系大家想像力丰富啫!”
|