|
张继聪揸电单车揸到入血，前两日架车死火，搞到要向老婆谢安琪（Kay）求救，仲话架车死火，好应该买多两部旁身！Kay唔知系咪想知道老公点解咁锺意电单车呢件死物，佢原来已报名学电单车，仲喺社交网公告天下。
虽然只系报名，不过Kay都有坐上架电单车感受吓，见佢凌厉嘅眼神，就知佢今次不成功便成仁。咁到底佢学嘅系棍波定自动波，佢有详细解释...... “稍为说明一下，呢张相拍摄当日，我只系去报名，所以服装方面嚟讲，可以话系错晒，我冇谂过原来报名当日，可以得到机会，坐上电单车感受一下，虽然服装方面，可以话系严重出错，但系无损我凌厉嘅眼神，我究竟谂紧乜嘢？我系谂紧......屋企全部都系棍波车，我一定要考到棍波车牌，如果唔系，有人（指张继聪）又有借口……再买新车，为咗呢个原因，一定要考棍波，事情就系咁样决定！”
Kay接受访问，讲到学电单车，佢话：“其实我就系唔系好识电单车啲嘢，谂住学识咗揸电单车，就应该会比较明白同埋体会到点解张先生每次出车都咁开心，点解同啲朋友倾电单车嘢都咁开心，可以分享吓快乐呀嘛！”​
| 
窥视卡
雷达卡
发表于 2021-4-9 08:42:41
提升卡
置顶卡
沉默卡
喧嚣卡
变色卡
千斤顶
照妖镜