艺人张智霖(Chilam)、张继聪于抗疫电影《总是有爱在隔离》中,有不少搞笑演出,当中包括两人“肉”帛相见搽芦荟油,Chilam直言:“帮人按摩都唔容易,特别阿聪啲肌肉咁厚⋯⋯真系每个行业都有艰难嘅地方。”而张继聪就话:“好在同Chilam熟,所以牺牲色相都唔尴尬,如果同其他冇咁熟嘅人,可能会就住就住。”
提到牺牲色相,两人不约而同指“难度指数”也不及浸热水浸足半日,张继聪表示:“以为有桑拿戏好爽,点知浸完冇得按摩,同埋我觉得我哋好似打边炉个炉入面嘅杂菜,出晒烟!”Chilam表示同意之外也补充:“我哋浸到晕晕地,其实一班负责拍摄嘅剧组人员同我哋一齐浸,佢哋仲辛苦。”张继聪笑言虽然辛苦,不过拍得非常开心:“因为可以试到好多唔同嘅嘢,飞车、打斗、唱歌、捽油等等,平时好少一套戏会试到咁多嘢!”​
|