歌手谢安琪(Kay)早前宣布约满麦浚龙旗下的幻国文化娱乐后,趁未开始新一章节前,佢把握小休时间享家庭乐,社交平台都晒多咗同一对仔女嘅可爱互动,除此之外,佢仲“转行”做埋农夫,为佢块小福地起名“小琪圃”,喺佢悉心栽种之下有唔错嘅收获!包括有1只水瓜仔、2公斤番薯同埋1棵菜,Kay仲好开心话:“其中番薯部门可以话系小丰收呀!菜仔部要加油了!”
呢个Post一出就引嚟好多农系网友,各自分享自己的成果,唔少网民都话啲番薯好正,Kay劲满足咁话:“真系好食㗎!今次已经系第3次出产,上次收成有一个直径超过25cm,形状圆辘辘令人好惊喜!”另外有网民话好羡慕Kay呢种悠然自得嘅生活,Kay就话原来一家人都好锺意裁种,妈妈甚至之前有租用有机菜田,因为疫情少出门,再次尝试喺屋企栽种。​
|