|
艺人陈山聪、姚子羚、刘颖镟、赵希洛等出席剧集《大步走》“跑友大步走.终极战”活动,众人与跑友齐齐围绕将军澳电视城跑步。陈山聪在演员中跑第1,跑第19是姚子羚,跑到上气唔接下气,妆都溶埋,比赛完一支箭去补妆,被山聪取笑去了接受人工呼吸,她笑说:“佢黐线架,跑得好快,初头跟住佢哋节奏跑,错咗呼吸,有段跑到索晒气。(会唔会练吓跑步?)唔会,我唔同佢哋,平时慢慢跑,唔会辛苦自己,佢哋跑步变咗生活,我就只系放松一下。”以跑步背心示人的山聪明显大只不少,他笑说:“自己锺意挑战自己,今个夏天想操大只啲,搵咗林子善同埋1个冠军级教练操,依家1日食6餐,目标增十几磅,依家仲未收身肥肥哋,畀两个月时间我。”讲到胡杏儿宣布诞下第3个仔,她指一早知道BB性别,已送了礼物,看相目测BB眼睛似妈妈,她说:“BB好大件,都知道杏儿今胎生得好辛苦。”​
|
|