新长腿女神登场 叶茜文卢慧敏斗餐懵！

etin

长腿代有人才出，一代新人胜旧人！陈敏之、连诗雅呢啲长腿索女大家都睇咗唔少，娱圈不断涌现新靓女，今次等我哋盘点吓有咩新长腿女神！

卢慧敏

卢慧敏Amy Lo系混血索模，身高177cm，拥有40吋长腿，佢喺哥斯达黎加出世，5岁先同屋企人移居香港，精通3种语言，西班牙文、广东话同埋英文。Amy模特儿出身，近年转型拍摄影视作品，帮ViuTV拍咗唔少剧集，好似《玛嘉烈与大卫系列 - 前度》、《身后事务所》 、《仇老爷爷》等，因为佢同廖碧儿有啲似样，喺《前度》中饰演对方年轻版，喺《身》就演母女，非常有缘。

叶茜文Sophie

叶茜文（Sophie）依家28岁，选港姐入行，喺《爱．回家之开心速递》中饰演Candy而为人熟悉，仲有“岛大女神”之称，深得网民喜爱。最近播出嘅《大步走》佢都有份演出，当中一幕勾引林子善场面，大晒白滑长腿，非常诱人，更成为网民热话！而佢对护腿都相当有心得，话入行之后开始注重护理，成日会搽Cream，一、两个星期就会做磨砂。

陈桢怡

陈桢怡系港姐亚军，仲系高妹一族，身高有成175cm，对招牌“筷子脚”非常抢眼，咁佢都好识冧粉丝，成日晒长腿派福利，有时仲会着埋黑丝添！之前陈桢怡食米芝莲二星餐厅午餐，埋单人均都要1,200蚊，即时被人话炫富，不过其实佢都好贴地，会食鱼蛋粉同埋睇平价家具，女神都会放屁，大家唔好要求咁高啦！

余思霆

余思霆系2017年华姐冠军，身为台妹嘅佢样靓身材正，仲要鬼咁Sweet，依家同艺人朱敏瀚蜜运当中。早前佢返咗台湾工作，趁有空就去咗夜蒲，仲同一男子大跳热身舞，相当火辣，不过朱敏瀚就好大方，话相信女友咁话喎！而最近热播嘅《爱美丽狂想曲》，余思霆都有份演出，喺剧中大玩长腿放题，系咁晒靓脚，又成日着住紧身衫，好身材即时出晒嚟。

郑嘉欣

郑嘉欣做模特儿出身，曾参加《全民造星III》，因为佢有178cm身高而备受关注，长腿有成44吋长，认真夸张，仲有“港版石原聪美”之称，不过呢喺50强止步，仲被花姐寸系花瓶，但佢仲有一个歌星梦，豪言唔会放弃咁话！虽然又高又靓女，但佢唔介意主动出击追男仔，矮过佢都唔mind添，最紧要笑得好睇同埋要阳光型！