咀后生女觉得尴尬 曹永廉床战虾头好舒服

etin

艺人曹永廉于新剧中艳福无边，咀匀男女！平时嬉皮笑脸的他原来亦有尴尬时刻，56岁的他自嘲年纪大，跟后生女揽锡感尴尬：“所以同虾头拍就最舒服。”

曹永廉于无綫热播剧《爱美丽狂想曲》饰演花花公子，不过他“戴定头盔”，自嘲外形欠缺说服力。提到他享尽艳福，跟张秀文、朱智贤等亲热，更与“极品”杨诗敏（虾头）有揽锡床戏，荒谬得来化学作用十足，够晒爆笑！平时嘻嘻哈哈的他严肃表示：“虽然我拍过好多咀戏，可以话经验丰富，但系我咁大年纪仲要揽锡，同埋年纪大人咁多，有啲唔好意思。”

唔担心被抽水

他坦言与虾头拍亲热戏最舒服，画面虽然欠缺美感，但可以令观众发笑：“同虾头真系唔尴尬，首先唔担心佢抽我水，佢亦都唔担心，拍嗰阵真系方便好多。”原来阿廉锡男士的经验亦同样丰富，他说：“我咀过好多男仔，黎耀祥、何广沛，今次就萧正楠，同佢亦冇尴尬，亦冇上瘾嘅。”

想同萧正楠“分手”

对于无綫近期将综艺节目重整旗鼓，入行初期主力拍旅游节目的他希望重操故业，但觉得与“冤气拍档”萧正楠应该暂时“分手”，他笑言：“我哋真系对得太多，窒嚟窒去都系嗰啲，之前去瑞士拍节目去到最尾，得我哋两个真系冇嘢讲。我哋都有倾过呢个危机，真系要抖吓先得。”