陪读做“补习天王” 郭富城：尽父亲责任

etin

郭富城以“第45届香港国际电影节”大使身份在尖沙咀文化中心出席开幕礼，3度为电影节担任大使的他，指在疫情下能够举行电影节感到相当开心，希望大家再入场睇戏，他说：“我都系戏迷，当然会入戏院睇戏。”讲到他近期不时与太太及女儿亲子活动“放闪”，他说：“小朋友需要空间，呢排啲工作都延迟咗，有时间一定带佢哋出去，希望陪住小朋友成长，呢个系作为父亲嘅责任。（使唔使帮手教小朋友功课？）暂时啲功课唔系好复杂，到升上一年班就会压力大啲。”

讲到他与梁朝伟演出的电影被抽起，未能在电影节播放，他说：“据我所知系因为技术上嘅调整而赶唔切。（电影几时上映？）差唔多会上，希望观众可以喺戏院睇到呢套电影，电影筹备、拍摄好耐，已经剪好晒，可能想再做得完美啲。（题材敏感被抽起？）应该完全唔关事，呢套系一套商业电影。”对于廖启智离世，他感到相当突然及可惜，大家合作过很多电影，最深印象是合作《无双》，他说：“戏里面佢做我阿叔，佢亦系画家，开工佢攞咗自己嘅素描嚟问我画得靓唔靓，好欣赏佢对角色深入嘅揣摩同投入，对佢好欣赏、尊敬。”​