事业家庭两兼顾！朋友多生仔 谭凯琪囡囡大把笋盘拣

etin

去年诞下女儿的谭凯琪，不急于追多个，因不想分薄对囡囡的爱，又笑言朋友多数生仔，故囡囡将来有很多选择。热爱演戏的她不想做全职妈妈，会尽力兼顾事业与家庭！

艺人谭凯琪（Zoie）在之前热播的剧集《失忆24小时》与郭晋安饰演两夫妇，自嘲角色虽叫“施文雅”，但完全不斯文：“要成日闹佢，因为佢唔争气，成日赌钱，呢个角色都系突破，畀大家见到我巴辣一面。”她又难忘有场戏要掴郭晋安：“记得拍呢场戏我追住佢闹同打，然后佢话唔紧要嘅，叫我一嘢打落去，仲教我点打，好彩我尽力掴，唔需要NG咁多。”

想兼顾事业

现实中，她笑言不会打另一半，但坦言诞下囡囡后，与老公为凑女多了分歧：“始终我哋系新手，会各自听唔同人讲、睇唔同嘢，虽然有少少分歧，但大家倾吓、磨合就冇事。”荣升人母5个月，她坦言已习惯凑B：“最瞓得少系头1、2个月，养好身体、凑小朋友、喂奶都几忙，但好enjoy，见到小朋友一日比一日大，识嘅嘢都多咗，就会好开心。”

问到可有意追仔凑个好字？她坦言：“惊冇咁多时间照顾囡囡，可能等大少少先。其实冇真正讨论想唔想，我惊分身唔到，同埋我嘅爱分唔到咁多出去，想全力畀咗呢个囡囡先。”

坐月期间肥了10磅，Zoie要努力收身，为新剧《十八年后的终极告白2.0》开工。讲到生完不久就复工拍剧，她盼能兼顾事业及家庭：“要我坐喺屋企做全职妈咪唔系唔得，但最好就有埋事业，咁啱又有呢个工作，我想尝试兼顾。（会唔会减产？）当然冇之前咁密集，之前一年开4、5套，但依家睇能力。（老公有冇叫你唔好做？）又冇，佢支持我做自己锺意嘅嘢，工作以外我都畀晒啲时间屋企同囡囡。”

怕龚嘉欣闷

讲到“少妇联盟”中的陈凯琳又是人母，她笑言：“所以每次出嚟有龚嘉欣喺度，都惊讲太多凑B经会闷亲佢，都叫佢快啲join埋我哋，但呢啲都讲缘分。（陈凯琳有2个仔，第时可以对亲家？）我哋都有讲笑讲过，围内朋友都系生仔，所以我个女好多选择。”