首度拖老公公开现身 朱慧敏未Ready造人

etin

新婚不久的艺人朱慧敏（Queenie）拖实心脏科医生老公陈良贵（Jason），出席电影首映，两人全程糖黐豆Sweet到漏！Queenie表示今次是两人首度孖住现身公开活动，心情紧张，Jason说：“佢同我讲现场可能会有好多记者，我冇问题，我之前都见惯医疗版记者。”Queenie称该电影很有意义，故特来捧场，而两人亦不时探访孤儿及老人。

想夫妻档拍广告

问到今次是否寓工作于拍拖？她说：“今日唔系工作，我系义务，冇收钱，佢（老公）好想嚟睇戏，系我陪佢多啲。（会唔会想夫妻档拍广告？）广告好呀！佢好靓仔。”不过Jason自嘲：“有人吼我先算。”Queenie闻言大赞老公多粉丝，两人每星期都会在网上做直播分享医疗资讯。

问到是否快将做人父母？Quennie直言：“未有，我心理上未Ready，但身体上Ready，我哋做晒身体检查，好健康，不过我哋刚刚结婚，又冇去度蜜月，想享受二人世界先。”Jason亦认同指生小朋友是计划之内，但想先享受二人世界。