同陈山聪拍激烈调情戏 赵希洛搵性感内衣有压力

etin

艺人陈山聪及赵希洛到电视城出席新剧《十八年后的终极告白2.0》拜神，剧中他们饰演夫妇，由于剧情要保密，山聪笑言：“总之佢呢个老婆几难搞，我搞吓佢，佢又想搞吓我。（指报复？）系，但有啲嘢又唔穿得。”他又大爆希洛角色很有挑战性：“要性感演出，又有好多调情戏，我同佢有一场都几激，我调吓佢，佢又调吓我，男女调情咁，佢仲唔只同我一个调情，不过佢都系因为我先有呢个变化。”搞到希洛即怕丑掩面谓：“仲有同Shaun（谭俊彦）、几个人都有调情戏，开放得嚟都系得几个啫，哈哈。”

山聪又踢爆她要搵不同睡衣上阵拍调情戏，希洛笑言：“要搵啲有效果得嚟又黐到胶纸，每日都要搵啱嘅睡衣，压力嚟自衬衫。”问到希洛剧中的性感程度？可有露背？她怕丑谓：“都有嘅。（系性感底线？）呢个都系人生几大挑战，依家学习紧，要投入角色，但山聪同Shaun都肯同我倾个角色。”山聪亦谓有帮手搵片畀希洛睇学嘢，又自爆剧入面有场除衫冲凉骚肌戏。