太太陈敏儿到医院探望！爆医生赞廖启智系A+病人

etin

现年66岁的廖启智不幸患上胃癌，现在全面停工，自报道他的病情后，受到全城祝福，希望他早日康复。其太太陈敏儿昨日到医院私家病房探望智叔，谈到老公病情，她说：“疫情下工作唔多，智叔一直都有跑步，佢体能同健康一直好好，直到上年12月中，佢开始觉得食嘢个胃胀住，所以就去检查，之后就确诊胃癌！”

陈敏儿表示感恩智叔遇上好医生：“真系好感恩，我哋遇上一个好医生，佢同智叔好夹，佢哋每日都喺病房互相打气，医生叫佢加油，仲好悉心照顾佢，又大赞佢系A+病人，医生叫做乜，佢都全力配合。不过佢个胃唔舒服，所以食唔到嘢，不过医生话唔食唔得，依家打紧仗要多营养，所以佢一日三餐都好努力完成饮食。”

她又指智叔做演员好专业，想不到做病人也一样专业：“记得有一日食粥时，佢话食紧竹丝鸡鲍鱼粥，我奇怪医院有啲咁好嘢食，原来佢只系幻想自己食紧好嘢，食白粥都想令自己开心，真系令人佩服。”

陈敏儿表示希望大家给多点空间给智叔休养，她说：“我想讲佢呢2日状态比较攰，好多人打电话访问佢，令佢分咗心照顾朋友慰问；而智叔心底都同大家讲：‘多谢大家关心，但太多关心同问候对我同家属嚟讲可能系负担，我已收到大家关心，如果大家锡智叔，就希望大家遥送祝福就得！’”她又说：“我同智叔都唔会接电话，医生都唔赞成，会影响养病，希望大家合作，多谢各位手足，我要入去啦，佢挂住我，佢需要我支持，（用乜嘢治疗方法？）医生好多方法，（智叔乐观？）佢好积极。”

陈敏儿约于下午2时半离开，问到智叔癌症属第几期？她不愿多讲，并说：“唔好问呢啲嘢，都交代晒。（智叔今日情况点？面色好？）都Ok，同寻日差唔多，不过佢有啲攰，都系嗰句，医生话唔好再咁费神覆电话，畀佢多啲空间好唔好？唔好打电话畀佢啦，辛苦晒咁多位，（一阵会再返嚟探佢？）唔会，只可探1小时要走，私家医院先至可以探，好感恩，不过都有医院嘅限制，只可以探一次，轮流每日只限1人。（仔仔嚟探佢？）有时，但系返工都冇办法，有限制，多谢关心。”