【人生马拉松】陈山聪Mark实囝囝 凑到走火入魔

etin

艺人陈山聪入行20多年，事业路并非一帆风顺，试过被投闲置散，到做出成绩时，却因与赌王千金何超云分手，而瞬间跌入谷底，事业一下子推倒从来，但他并没有放弃，默默耕耘终爬上男一位置，新剧《大步走》的主题“断舍离”，犹如是他的写照︰“成日都听人讲人生就好似跑马拉松咁，学识唔放弃跑到终点，相信大家都好明白我过去有咁多高高低低嘅经历，选择咗断舍离先有今日嘅陈山聪。”

生命影响生命

跑步给予他无限力量，事业、家庭均走向一个正面的方向。早年他成立跑队Crazy Runner，做到以生命影响生命，感染不少艺人朋友做跑友，如袁伟豪、胡定欣、黄智雯、姚子羚等。然而除了跑步之外，全赖太太Apple及爱子Jaco做最大后盾，感谢上天赐他温馨家庭︰“好庆幸识到呢位太太，亦好开心我系选择生小朋友，未结婚之前大家有谂过生唔生，开头系话唔生，想自由自在啲，跟住失惊无神因为姨甥女，凑咗佢一段时间，发现自己系Ready做爸爸，有呢个责任。”

爆囝囝系尿王

自此“爱妻号”的山聪再加多个“宠B狂魔”称号，成为爸爸后最大的改变，是永远归心似箭，更自嘲变态到成为Jaco的“人肉CCTV”︰“拍紧《超能使者》嘅时候，佢啱啱出世，屋企Set晒Cam，每一日喺未埋位休息紧嘅时候，就会长期开住部电话睇佢。其实咁样系唔好，小小嘢就打畀家佣，都令佢有压力，所以之后慢慢戒甩咗呢样嘢。”又自认是凑B神手，可以单打独斗，更大爆仔仔是“尿王”︰“我会换尿片、喂奶，除咗冲凉，因为惊整亲佢。（仔仔试过斟‘茶’畀你饮？）经常啦！个衰仔！佢好劲㗎！尿王嚟㗎，换片换得好密，好容易就去厕所。”