萧正楠畀陈滢主动除衫裤：佢好猛同狂野！

etin

艺人萧正楠（阿萧）与陈滢于新剧《爱美丽狂想曲》内扮演一对。女主角李佳芯踢爆陈滢于戏内有性感演出，萧正楠笑说：“嗰场戏佢好主动，好忙咁除我啲衫同裤，太乱嘅情况下，我条底裤甩咗一半，我感觉到就即刻叫停，着番条打底裤再拍，所以我都同啲男士讲佢好猛同狂野，顶得顺先好追佢！”

未搣甩麻甩味

陈滢腼覥承认自己内里“麻甩”：“我只系平日着衫比较女仔，同埋剧内我哋掉转咗性别，我比较男人，阿萧就女性化多啲，所以所有嘢都我采取主动。我同佢拍完套剧，都未即刻搣得甩嗰阵麻甩味，畀朋友投诉讲嘢太粗鲁！”

生日同翠如过

问到阿萧可试过遇上这类女性，他说：“我都系喺正常嘅教育下长大嘅，未试过。（嚟紧23号生日谂住点庆祝？）好多年未试过同太太黄翠如一齐放假，睇吓到时佢点安排啦。（佢有惊喜畀你？）我哋唔讲呢啲，似系惊吓多啲喎！”

第1次拍古装

陈滢原本安排与王祖蓝合拍古装剧，如今大易角，祖蓝的角色由“金城安”周嘉洛顶上，记者问她有否感到卡士“降呢”，她说：“我净系觉得平均年龄降咗，呢套剧系笑片，多啲年轻人系好啲。”她透露首次开会，对演出相当期待：“我第1次拍古装呀，同埋啲拍档未合作过，好有新鲜感。”