视帝郭晋安(安仔)近年频频扮演专业人士,但在剧集《失忆24小时》突改戏路,饰演欠债铤而走险,牵涉入绑架案的低下层角色,与首次合作的谭俊彦(Shaun)产生化学作用,甫启播已吸引网民猜测故事发展。 谈到今次为角色“取经”,安仔说:“专登落去鸭寮街几次,乘机搵人吹吓水、取吓经。同Shaun本身唔相识,但好快发现佢有备而战,大家演绎反差大,容易引起关注。(有冇试过好似戏里面咁搵人笨?)应该咁讲,TVB好多呢类(搵人笨)精英,好似通告现身迟少少,就会有人屈你请下午茶,我啱啱入行就试得多,呢种系另类文化、维系感情嘅一种,畀人搵笨都好开心!”
工作忙疏忽照顾 剧中他对前妻谭凯琪(Zoie)不离不弃,更抱起对方跑足9条街求医,可惜Zoie却移情他人。问安仔可有这方面的“深刻记忆”,他坦言:“应该好多人都上过呢一课,之后毕生难忘,会令你日后面对感情问题时,能够得到提升。当时入行冇耐,工作太忙冇时间照顾对方。(无疾而终?)出现咗第三者,太年轻唔识咩叫问题,亦唔觉得自己有错,好彩当时开工,日日瞓得几粒钟,有时间都净系用嚟记剧本,根本冇时间谂(失恋)。不知不觉间过咗3、4个月,突然有日醒起,觉得好似打咗吗啡针咁,冇晒事喇!”
生于“大家庭”的安仔,剧中与江欣燕及何远东的兄弟妹情,同样教人感动。谈到亲情,他流露温馨笑容说:“细个屋企唔大,热天时咁多兄弟姊妹铺张席齐齐坐,当把风扇吹到埋嚟,有得凉吓好开心,一到冬天就逼埋一齐取暖。当时冇乜娱乐,最锺意夜晚一齐听鬼古,童年就系咁过。”​
|