踏入40岁的姚子羚,入行18年,感情史不多,为人所知的,是和郑子邦于2018年结束3年情,两年前她与夜场老板Raymond挞着,不幸背上“小三”之名,但其实子羚是受害者,不过有指她已原谅对方并“翻挞”,每问及此时,她都表示不想说多。 日前访问中,她再被问及现时感情状况,子羚只谓:“我都讲过,不嬲感情都选择低调,我对感情系一个好认真嘅人,无论追求者、前度又或系另一半,我都唔想身边人有压力,佢哋系圈外人,有时畀人起底,啲资料都系错嘅,我性格又唔锺意解释,解释只会间接伤害到更多人,自己亦要承受好多,我只想保护大家。”子羚不讳言渴望如好姊妹李施嬅般,到正式踏入教堂一日,才跟大家分享喜悦,她谓:“我唔系锺意收收埋埋,但未到嗰刻我都唔想公开,唔系为自己辩护,身边朋友知我系咩人就得。 ”
仍然相信爱情 屡次被指“逼婚”而引致恋情触礁,其实子羚只希望找到一个真正可付托终生的人,她更自爆多年前曾“逃婚”,最终分手收场。她谓:“啲人成日话我‘逼婚’,系与唔系,清者自清,对我嚟讲感情生活系几私隐,再解释都冇用,两个人喺埋一齐系冇得逼,就算你今日逼到对方结婚,唔啱嘅都会离婚!嗰阵我同男朋友提及过结婚,大家仲去埋睇楼添,最终冇结系因为大家价值观唔同,我嗰刻觉得佢未系我人生可以行埋落去嗰个,唔Work咪唔继续啰!” 曾遭遇失败,但子羚仍相信爱情,她坦言不会因此却步:“好多嘢都系Timing问题,就算一个花花公子、浪子都有想定下来嘅一日,睇吓你遇唔遇到啫,唔好话男人,就算系女人都可能嗰一刻唔想结婚,想向事业冲刺,我觉得男人点都要顾家、有责任心,愿意同你同甘共苦,呢样嘢唔系纯粹感觉就得,我都寻找紧两样都俱备。”
演活中女监制大赞 现时播映的剧集《大步走》中,子羚饰演何家欣一角,角色是“中女”,带点傻气,子羚未曾演过这类角色,笑言“何家欣”某程度与自己相似:“我都系一个男仔头、傻大姐,角色将子羚某部分投放出嚟,喜剧对我嚟讲系挑战,唔用力做角色唔丰富,做得多又怕太夸张,不过可以畀大家见到我真正戏外嘅另一面都好。”合作多次的拍档陈山聪力赞子羚演活这个角色,做得相当好。子羚亦指编审估不到她演活“中女”,更开心谓:“我家姐都有赞我,话做得好自然、好搞笑,自己已经觉得好开心。”
感情急唔嚟 女人踏入30与40岁生理与心理分别都很大,子羚对于“中女”这个称号笑言“Feel紧”,她说:“自己冇去介意,等如生咗小朋友,你唔会同人讲我唔系妈妈嚟!我只能讲,就算我系妈妈,我都系一个靓妈妈,就算我系一个中女,我都希望有自己嘅生活态度,Keep得好靓。” 问到踏入40岁会否快些结婚、生小朋友时,她说:“的确人大咗要用时间了解一个人,冇以前咁大勇气,好多嘢估计唔到,可能一拍就结婚,又可能拍拖6、7年都唔知咩事,我系相信爱情感觉,但我亦明白人生要面对现实,搵唔搵到一个适合你嘅人共度下半生呢?呢啲嘢真系急唔嚟!”
|