海底求婚好浪漫 李施嬅细数未婚夫6大优点

etin

艺人李施嬅宣布和星级健身教练车崇健（Anson Cha）的婚讯后，昨日首次现身公开活动，讲到婚礼筹备情况，她坦言仍未进行：“因为妈咪喺加拿大，搞婚礼要睇疫情发展，而未婚夫屋企人喺美国，所以暂时未知道婚礼会喺边度搞，都希望喺香港举行，希望今年内，否则就下年。（会唔会先注册？）注唔注册，结唔结婚对我哋嚟讲唔系好着紧，搞都只系为家人，因为我哋已经认定对方，知道系Forever。我作为艺人喺剧中结过好多次婚，真系想简单啲，家人开心就得。点搞要征求家人意见，长辈最重要。”

她指家姐最近亦宣布结婚，还比她早定婚期，笑言爸爸一次过嫁晒两个女，非常开心。讲到求婚经过，她指对方很有心思：“我哋去美国潜水嘅时候，佢喺水底向我求婚，佢攞戒指出嚟帮我戴。佢知我锺意海，求婚嘅时候身边有好多鲨鱼，我觉得佢系一个好男仔。”

施嬅称两人拍拖4年，只有约8位闺蜜知情，她一直想公开两人关系，但未婚夫Anson是圈外人，怕吓亲对方，直至近日被影到及揭发身份，她笑言：“影到之后，有日Anson去茶餐厅，所有人都即刻恭喜佢，搞到佢面都红晒，好惊，佢打电话同我讲，我话你仲红过我。佢有啲紧张，畀啲时间佢慢慢嚟。”

讲到Anson是星级教练，郭富城及杨千嬅也是其学生，她大赞：“佢系好叻嘅教练，好多学生，佢系香港最叻嘅教练。不过我唔系佢学生，佢同学生挞唔着，因为佢教学生有啲mean，如果佢教我，我哋会闹交。”她澄清两人由圈外人介绍，而非圈中人。问到Anson的优点时，她滔滔不绝说：“佢个人好简单、细心，好锡我、上进又勤力，佢好支持我追求梦想同工作，冇阻止我喺呢行发展，佢锺意叻同勤力嘅人，佢唔锺意懒人，所以未来一世我都要好勤力。（造人方面会唔会一样勤力？ ）顺其自然啦，我都好锺意小朋友，但唔会刻意，暂时玩住陈山聪同埋胡杏儿嘅小朋友先啰。（系咪已同居？）大家各自有自己嘅屋，但算系半同居状态。”至于白色情人节如何庆祝？她称对方很简单，甚至不知道这个节日，认为只要开心，日日都是情人节。

另外，对于有网民起底指Anson是人生教练Brian Cha的胞弟，施嬅表示不会回应：“因为会没完没了，唔好搞到其他人，佢嘅事唔回应。”至于身为健身教练的Anson可有受到近日“健身群组”影响？她表示对方很爱乾净，并每日进行检测，对他相当信任，又赞他有责任感。​