艺人蔡嘉欣早前忙于拍剧及综艺节目,最近完成剧集拍摄,现时有空档嘅佢寻日喺社交网晒出一大叠现金,亲自到银行办理汇款,仲话:“每次都心惊胆颤地做海外汇款。”原来佢将时装店经营得有声有色之外,最近仲做埋美容保健品代理,真系百足咁多爪!
佢受访时透露总共带咗40几万港币出街:“我都系揸车去提款、再去汇款,路程都好近,过程亦冇话接触好多人,但内心都几紧张,始终咁大旧钱。”续指代理销情不错:“其实我呢几年事业重心都系放演艺上,但暂时手头上得《姊妹淘》,始终演艺圈比较被动,多咗时间去研究美容产品,所以代理两个美容品牌,可以靠副业赚吓钱。”​
|