点解唔同阮兆祥拍拖？梅小惠自爆真相...

etin

艺人梅小惠近日接受车淑梅的电台节目访问，席间讲到她是自从曾志伟回归担任无綫高层后，网民推举第8位最想见的回巢艺人，而其他艺人包括阮兆祥、金刚、谢天华及毛舜筠等，梅小惠闻言笑指家人和朋友都有告知︰“叫我快啲出番嚟做，好似讲到我出番嚟舞厅做咁，哈哈！不过我都觉得电视台唔应该只有受尊重嘅艺人带住年轻人，而冇咗40至60岁嘅中层，其实嗰啲人选大有人在，年长嘅艺人唔使咁吃力，所有电视台都应该百花齐放。”

讲到近日无綫深夜重播她曾参演的电视剧《他来自江湖》，她的心里却感到无奈：“我宁愿唔重播，我宁愿要番达哥（吴孟达）！之前，每朝早7点都会收到达哥讲早晨短讯，闹钟未响㗎！一年左右大家（信息）都停咗，最后一次喺旧年10月，之后就冇晒信息，未知系咪因为佢身体唔舒服。”

​

至于谈及去年底离世的旧爱曾伟权，她心平气和回应只会记得对方的好︰“我21岁见到笋嘢（曾伟权）就飞身过去，佢又高大又靓仔，第一日已经想（同佢）结婚，佢冇求过婚，因为我哋已经喺埋一齐，（大家）最后一次见系喺爸爸丧礼，我主动多谢佢……我冇乜嘢，我只会记得佢保护我，佢系好演员曾教导我，又会车出车入，我想食肠仔饱佢又周围去搵畀我，呢啲就系美好嘅回忆！”

最后她更剖白感情事，被问及阮兆祥在她心碎时搬到她家隔篱居住，曾否想过跟他发展？她坦言：“大家唔知其实佢（祥仔）当时都失恋，咪一齐相依为命啰！不过佢真系好锡我，我相信上天会畀一个更好嘅人我！我有机会都想结婚，但系依家已经系家庭主妇，我一个人住都要煮饭洗碗，不过系一个未结婚、就快55岁嘅家庭主妇！哈哈！”