无綫处境剧《爱.回家之开心速递》深受观众喜爱,“Rebecca”沈可欣于剧中经常喺好姊妹“熊若水”吕慧仪面前煽风点火,几乎拆散吕慧仪同“龚烨”张景淳呢对“龚水CP”。不过两女戏外相当好感情,昨日沈可欣正日生日,虽然要喺工作中度过,但获吕慧仪同汤盈盈送上蛋糕,令寿星女惊喜又感动。
沈可欣亦有上载合照到社交网,并留言:“多谢你哋为我预祝生日,多谢晒你哋夹计攞个蛋糕出嚟,很感动!#有爱的11厂 #多谢盈盈订蛋糕 #多谢你哋周围搵我 #以为我收工走咗 #其实我系坐埋一边换番对拖鞋 #多谢你哋每一个”有“龚水cp”粉丝入戏太深,更喊话:“新一年大个女,记得唔好再喺水水面前加盐加醋,搞到龚水又有感情危机喇!”
|