男友送戒指求婚？阿Sa用阿娇式金句四両拨千斤

etin

艺人蔡卓妍（阿Sa）与倪晨曦、林恺铃出席珠宝活动，讲到她戴上价值270万的珠宝首饰，她坦言自己都有收藏珠宝，但笑言不是嫁妆：“系私人珍藏，我妈咪好锺意攞咗我啲钱买呢啲，然后话将来都系我，最贵有7位数字，系粒石。”问到男友石恒聪可有经常送给她？她避谈谓：“OK啦，冇成日送。（有冇送戒指？）OK啦。”随即使出好姊妹锺欣潼（阿娇）式金句：“个个都戴戒指，唔通个个都系结婚咩？”问到可想男友送戒指？她即帮品牌卖口乖表示：“好啦，咁佢就送呢个心心相印戒指畀我啦！”

讲到现时正拍摄电影《金手指》，她坦言好开心，问到拍了亲热戏没有？她笑言：“唔好摆焦点喺嗰度，其他方面都好玩，因为套戏系70尾80年代，啲景全部搭出嚟，我哋啲衫、发型会唔同。（同梁朝伟合作成点？）我同佢，仲有白只最多对手戏，佢好好，佢惊我哋惊，所以会同我哋一齐食饭倾偈。（会唔会向佢请教？）佢唔系嗰种前辈会教你点做，佢系锺意teamwork。”

面圆圆的她又大呻年纪大新陈代谢慢，以前细个才可以食极唔肥：“要做多啲运动先得，饮食方面都要检点啲。（男友有冇投诉你？）冇喎，好彩我出道都系咁样，大家都接受咗。（男友锺意你肥定瘦？ ）身边好多朋友都话我瘦，系我觉得自己肥，因为上镜就会肥好多，不过我不嬲都系块面肥，个身都差唔多。”她又谓与男友都喜欢食嘢：“好彩佢锺意做运动，但我就唔锺意，所以佢令我有啲动力，我会跳舞同跑步，都会做到爆汗，件衫透晒。”​