歌手何雁诗近日重新录制5年前嘅剧歌《最真心一对》,令Fans相当惊喜!但原来背后大有原因,佢坦言既开心又唔开心:“呢个记录系某音乐串流平台嘅年度回顾,Send畀我睇上年啲Fans听得最多次系我嘅边首歌,估唔到有咁多人仲听紧5年前嘅呢首歌,所以我都想唱番个Cover,因为觉得当时未系唱得最好,依家多咗啲经验系学唱歌之下会唱得更好。唔开心就系要再努力啲畀啲新歌Fans去Loop,而唔系记得何雁诗只有《最真心一对》,嚟紧出嘅新歌希望有好成绩,击破呢个记录!”续透露如无意外将于白色情人节推出新歌,叫Fans尽情期待!
佢话当重录《最真心一对》嘅时候勾起好多回忆,因为呢首歌系佢嘅第一首歌登上冠军宝座:“记得系喺劲歌优秀选有攞奖,当时我有多谢啲Fans,终于有首歌系可以同大家一齐大合唱,呢个系我永远都会记得嘅回忆。”​
|