“视帝”陈展鹏接受TVB娱乐新闻台节目《StarTalk》主播许文轩专访。讲到重拾歌手梦推出新歌《零岁》感受,他说:“1998年有机会签大公司出歌,当时做歌手嘅心态好强烈,但完全唔知做歌手需要咩,入录音室见到恭硕良打鼓弹结他,我乜乐器都唔识,当你见到恭硕良嘅画面,同自己实力原来距离咁大时,会觉得点追?重新评估自己,知道自己缺乏好多。同期歌手出骚有陈奕迅、谢霆锋,个个好有实力,每次到我上台,都会愿主保佑,好大压力,慢慢惊咗做歌手,唔敢再谂。”
展鹏新歌与监制舒文合作,他说:“同我录音佢都好辛苦,佢好似教紧一个新人咁,因为我个人都有历史,仲要放低演员嘅身份去唱歌,个过程好迷惘,好似完全唔识唱歌咁,边度抖气,边度用力都唔啱,自己好迷失,所以要慢慢返屋企做功课同练歌,录完我觉得对拍戏有帮助。”​
|